Kamuniang ditangah balai
Ditutuah batambah tinggi
Barundiang jo urang tak pandai
Bak alu pancukie duri
Jikok barundiang lah sudah makan
Jikok baranti lah lapeh rarak
Baitu adaik nan biaso
Nankajadi buah rundiang
Ka andai andai urang diladang
Ka bida bida urang dibalai
Rundiang bak katiak ula
Bakato bak bilalai gajah
Rundiang nan tajam dari sambilu
Walau lukonyo indak badarah
Padiahnyo lamo mako ka sanang
Dubalang tagak dipintu mati
Laloknyo siang bajago malam
Tiduenyo balapiak sigaga
Laloknyo bakulambu ransam
No comments:
Post a Comment